ترتيب ديكور غرفة :)
السلام عليكم ورحمة الله وبركاته
هلا صبايا اليوم حبيت أنزل موضوع من مجهودي الخاص أوريكم فيه طريقتي في عمل الديكور
طبعا لكل منا ذوقو الخاص وأغراض غير خاصة فيه تقدري تغيري الغرفة بالطريقة والألوان اللي تحبيها
يلا نبدأ
ان شاء الله تعجبكم الغرفة اللي اخترتها هي من الغرف اللي مسويتها من فترة
أولا اخترت هذا الديكور الداخلي تقريبا معظم البنات عندهم
ثانيا طريقة عمل ابعاد للديكور
زي الجدران والسقف وغيرو نكبرها لما نبيها تبين قريبة ونصغرها لما نبيها تبين بعيدة
مثال أنا بسوي جدارين واحد ابيه قريب والثاني بعيد
اللي على اليسار ابيه بعيد فراح اصغر الأغراض شوية
واللي على اليمين ابيه يبين قريب فبكبر الاغراض شوية برضو
اخترت للجدار قطعتين طوب رمادي عشان تناسب الغرفة ورخامة دعامة أو اللي يسموها بيضاء
و خشبة بيضاء البعض يستخدموها كدرج بحطها تحت الطوب من أسفل عشان يحد الجدار من تحت ويصير شكله اقرب للطبيعي
>> أحلى شيء بأغراض ستاردول انهم ينزلوها لغرض معين ونحنا نقدر نستخدمها لأكثر من استخدام
والجدار الثاني بنفس الطريقة بس أكبر بشوية
صار عندنا الحين غرفة فيها 3 ابعاد جداريين وغرفة داخلية
ونقدر نزيين على راحتنا وبما أن الالوان ابيض واسود ورمادي فبيكون لك الحرية بإختيار الألوان اللي تحبيها أو الموجودة في المخزن
وهذي طريقة الابعاد
بإمكانك تخلي الغرفة زي ماهي أو انك تزودي ابعاد وحركات على كيفك
مثلا الحركة دي أنا شفتها عند بنت يعني مو من مخي
هي اسبانية
المهم انا حبيت اخذ فكرة بسيطة وهذا شيء حلو برأيي
بس مو تقومو تسوو نسخ لصق لغرفة البنت المسكينة وهيا تعبت على افكارها
المهم اعجبتني واستأذنت منها
وهيا طريقة سقف الغرفة
حبيت ان الغرفة الداخليه يكون سقفها مختلف شوية فستخدمت الطوب الرمادي ولمبتين طويلة والدرج الابيض
يمداكم تستخدمو الدرج وتستغنو عن اللمات زي ماقلت كل واحد وذوقو وعلى كيفو
وبكذا أكون خلصت الأبعاد
ـــــــــــــــــــــــــــــــــــــــــــــــــــــــــــــــــــــــــــــــــ
الحين نيجي لطريقة الديكور
ماله طريقة عموما اللي يريحك ويناسب ذوقك حلووو بإمكانك تستخدي الاغراض المجانية بدل لاتشتري وتخسري
وبما ان في ابعاد تقدري تخبي الاجزاء اللي مش عاجباكي ورا الجدار :)
انا الحين ببدأ بالجدار البعيد اللي عاليسار
واخترت اللون التركواز وطلعت الاشياء التركوازية الموجودة في مخزني >> بخيلة هع
والجدار الثاني ماحبيت اكثثر حطيت تيليفون
والغرفة الداخليه أخترت انها تكون غرفة نوم >> لانه عندي سرير مناسب P:
وبديت بالجدار وسويت زي النافذة وعليها ستاير اخترت الستاير السودا وغطاء الطاولة
وزي ماقلت تقدرو تستخدمو الغرض لأكثر من استخدام فخليتو ستارة هععععع
واخترت الستاير الفضية >> تهبببببببببببل اموت عليها
ولمات معي لونها مناسب والنافذة اللي كانت في رزنامة الهوت بايز قبل فترة لو فاكريين
وبعدها بديت ارتب السرير والاغراض الثانية على كيفي شايفين الهدية المجانية الموجودة اللي اخذناها لما ستاردول كملو مدري كم مليون >> كلها حسابات فاضية P:
استخدمتها وخليتها كومادينا نياهاهاهاي
والدرج ده اللي تحت مدري ايش جابو هنا بس ماله استخدم >> برااااا
ووووو ده اللو النهائي
ووو بس
ادري الموضوع طويل
سووووووووري
اتمنى يحوز على اعجابكم صبايا
تعبت فيه >> تعبكم راحة
اتمنى يفيدكم
محبتكم دودي
مدونة دودي
مرحبا بكم في مدونة دودي نتمنا لكم قضاء وقت ممتع معنا وماتحرمونا من تعليقاتكم الحلوة الرجاء عدم نقل اي موضوع دون ذكر المصدر ونتمنا أن تستفيدوا من هذا الموضوع وبالتوفيق للجميع ودمتم في رعاية الله وحفظه ..
